گرتے بالوں کی حفاظت و قدرتی علاج

natural cure for hair fall     گرتے بالوں کی حفاظت و قدرتی علاج 

‘گھنے اور لمبے بال خوبصورتی کی علامت سمجھے جاتے ہیں۔ بال لمبے ہوں یا چھوٹے اُن کی حفاظت بہت ضروری ہے ‘جھڑتے ہوئے بال شخصیت کو متاثرکردیتے ہیں۔بال اگر موروثی یا طویل عمری کی وجہ سے گررہے ہوں تو لاعلاج تصور کئے جاتے ہیں لیکن اگر بیماری کی وجہ سے یہ صورت پیش ہو تو اس کا علاج ممکن ہے کیوں کہ مرض اور کمزوری دور ہونے پر بال دوبارہ نکل سکتے ہیں ۔

بالوں کا گرنا موجودہ دور کے لوگوں کا ایک عام مسئلہ ہے، آج کے عہد میں بالوں کے گرنے کی متعدد وجوہات ہوسکتی ہیں، جیسا کہ ہمارا مصروف ترین شیڈول ہمیں بالوں کی صحت کو برقرار رکھنے میں مدد نہیں فراہم کرتا، اسی طرح ہمارا مضرصحت طرز زندگی اور خراب غذائی عادات بھی اس مسئلے کی شدت کو بڑھا دیتی ہیں۔

تاہم فکرمند مت ہوں ایسی کئی جڑی بوٹیوں کے تیل موجود ہیں جن کا روزانہ یا ہفتہ وار استعمال بالوں کے گرنے کی رفتار کو سست یا کم کردیتا ہے۔

گرتے بالوں کی حفاظت و قدرتی علاج کا نسخہ نمبر 1

زیتون کے گرم تیل کی مالش اپنے سر پر کم از کم ایک یا دو گھنٹوں تک کرنے سے آپ کی زلفوں میں نمی برقرار رہتی ہیں کیونکہ یہ تیل بالوں کی جڑوں کو بھر دیتا ہے اور انہیں بھرپور غذائیت فراہم کرتا ہے۔

2گرتے بالوں کی حفاظت و قدرتی علاج کا نسخہ نمبر

بادام کا تیل وٹامن ڈی اور ای کے حصول کے لیے اہم ہے جو کہ ہمارے بالوں کو قدرتی نمی فراہم کرکے انہٰں خشک، روکھے اور خم دار ہونے سے بچاتا ہے، رات کو سر دھونے سے قبل بالوں پر اس تیل کی مالش آپ کو صحت مند، گھنے اور مضبوط بالوں کا مالک بناتی ہے

3گرتے بالوں کی حفاظت و قدرتی علاج کا نسخہ نمبر

 ناریل کے تیل کو اپنے بالوں کی جڑوں میں اپنی انگلیوں کی مدد سے لگا سکتا ہے، اس سے بالوں کو ہونے والے نقصانات اور بالوں کے سروں کے دو حصے ہوجانے وغیرہ کی مرمت ہوتی ہے، ناریل کے تیل کو گرم کرکے سر پر استعمال کریں اس سے خون کی روانی میں بہتری کے ساتھ بالوں کو ضروری آکسیجن کی فراہمی بھی ہوگی۔

4گرتے بالوں کی حفاظت و قدرتی علاج کا نسخہ نمبر

آملہبالوں کی حفاظت کے طور بالوں کی نگہداشت کے لیے ضروری جڑی بوٹی ہے، آملہ پاﺅڈر کے پیسٹ کو ناریل کے تیل میں ملا کر استعمال کرنے سے نہ صرف بالوں کی جڑیں مضبوط ہوتی ہیں بلکہ یہ بالوں کی نشوونما کو بھی بڑھاتا ہے، یہ خشکی کو روک کر قبل از وقت بالوں کو سفید ہونے سے بھی روکتا ہے۔

5گرتے بالوں کی حفاظت و قدرتی علاج کا نسخہ نمبر

ایلوویرا جراثیم کش ہوتا ہے اور اس میں ایسی خوبیاں ہوتی ہیں جو خشکی کو کنٹرول میں رکھتی ہیں، اس کے جیل کو ناریل کے تیل میں ملا کر سر پر تیس منٹ تک مالش کی جائے اور پھر دھولیا جائے تو اس سے سر میں خون کی روانی بہتر ہوتی ہے اور یہ بال گرنے کے خلاف تحفظ فراہم کرتا ہے۔

6گرتے بالوں کی حفاظت و قدرتی علاج کا نسخہ نمبر

روزمیری بالوں کی نشوونما بڑھا دیتی ہے، اس کا ہربل عرق جب ناریل کے تیل میں ملا کر سر پر لگایا جاتا ہے تو یہ بالوں کی چمک بڑھا دیتا ہے اور قبل از وقت گنج پن سے تحفظ فراہم کرتا ہے۔

7گرتے بالوں کی حفاظت و قدرتی علاج کا نسخہ نمبر

کیسٹر آئل آپ کے بالوں کے تمام مسائل کا بہترین حل ثابت ہوتا ہے، اس تیل کا اپنے سر پر استعمال معمول بنا لینے سے خون کی روانی بڑھتی ہے اور ضروری آکسیجن ملتی ہے جبکہ اس سے بالوں کی نشوونما میں بھی بہتری آتی ہے، اس کے علاوہ یہ وٹامن ای اور اومیگا سکس فیٹی ایسڈز سے بھی بھرپور ہوتا ہے جو بالوں کی نمی برقرار رکھ کر انہیں ٹوٹنے سے روکتا ہے۔